Цæгат Ирыстоны цæттæ кæндзысты гидромелиораторты. Ног дæсныйад фæзындзæн Хæххон паддзахадон аграрон университеты, лицензи райстой бакалавриаты программæмæ гæсгæ. Уæлдæр ахуыргæнæндоны пресс-службæ куыд хъусын кæны, афтæмæй гидромелиораторы дæсныйад кæддæриддæр ахсджиаг уыд агропромышленнон комплексæн, абон та, климат тагъд кæй ивы æмæ хъæууон хæдзарады домæнтæ кæй фылдæр кæнынц, ахæм уавæрты йæ ахадындзинад уæвгæ дæр рæзы. Агрономон факультеты ног къабазмæ гæххæттытæ исын райдайдзысты 2027-æм азы.