Национ музейы байгом равдыст "Галерея искусств. История в деталях". Экспозици баиу кодта æрмдæсныйады аивады мастерты, нывгæнджыты. Сæйраг экспонаттæ систы Ирыстоны зындгонд минæвæрттæ - Хетæгкаты Къоста, Плиты Иссæ æмæ Абайты Васойы скульптурæтæ сæ æцæг асмæ гæсгæ. Куыстыты автор - хъуыстгонд куклатæ аразæг Хъороты Мæдинæ. Экспозицийы ма фенæн ис зындгонд историон архайджыты, фысджыты æмæ æхсæнадон кусджыты куклаты миниатюрæтæ: Хетæгкаты Къоста, Плиты Иссæ, Абайты Васо, Лев Толстой, Владимир Ленин, Расул Гамзатов, Къомайты Руслан æмæ иннæтæ. Уазджыты дисы бафтаудзысты Геннадий Абрамовы историон костюмтæ, стæй Кæсæбиты Андрейы, Деметы Ибрагимы æмæ Дзиццойты Каринæйы авторон куыстытæ. Æдæппæтæй фадат ис алы техникæты æмæ жанрты 50 экспонатæй фылдæр фенынæн. Равдысты автор Хъороты Мæдинæ куыд загъта, афтæмæй йе сфæлдыстады истори ахсы зынгæ бынат. Ацы экспозици та раст цыма ивгъуыдмæ балц у, афтæ рауад.