"Цæгат Ирыстоны архитектурæ æмæ арæзтад". Уый уыди парламентон байхъуыстыты сæйраг темæ. Программæ байгом кодта конкурсон æмæ хъæппæристы проектты равдыст Хицауады цур уынджы. æмбырды та ныхас цыди къабазы сæйраг фарстатыл. Докладтимæ дзы раныхас кодтой профилон ведомствæты разамонджытæ. Се ргом фылдæр аздæхтой арæзтады æмæ бындурон цалцæджы мадзæлттæ царды куыд æххæстгонд цæуынц, уымæ, стæй культурон хæзнаты объекттæ хъахъхъæнынмæ. Хицæнæй æрдзырдтой Дзæуджыхъæуы архитектурон рæзты æмæ горæты арæзтады фидæныл. æмбырды хатдзæгтæм гæсгæ, профилон структурæтæн радтой бæлвырд хæстæ.