Цæгат Ирыстоны цалдæр ахуыргæнæндоны цæуынц рацарæзты бындурон куыстытæ. Ахуырады æмæ наукæйы министр Алыбекты Эллæ бабæрæг кодта объекттæ, æмæ базонгæ, куыстытæ куыд цæуынц, уыимæ. Фыццаг уал уыд сывæллæтты 106-æм æмæ 99-æм рæвдауæндæтты. Фæстæдæр та - Дзæуджыхъæуы 44-æм скъолайы. Рацарæзт цæуы, национ проектты æмæ регионалон программæты фæрцы. Бæлвырддæр хабæрттæ радзурдзæн Касаты Наирæ.