Цæгат Ирыстоны фыццаг вице-премьер Атарты Георгий æрзылд Дзæуджыхъæуы социалон æгъдауæй ахсджиаг объекттыл. Маршрут райдыдта 4-æм поликлиникæйы сылгоймæгты консультацийы хайадæй. Ныртæккæ дзы аразджытæ ивынц инженерон коммуникацитæ. Объект радтын фæнд кæнынц ацы азы кæронмæ. Дарддæр сæ фæндаг акодтой 44-æм скъолайыл. Ам бындурон цалцæг нысангонд уыд 2 азы æмгъуыдмæ. Куыстытæ дзы кæронмæ фæхæццæ кæнынц. Ахуыры азы райдиан скъолайы æнхъæлмæ кæсынц ахуырдзаутæм. Атарты Георгий стыр æргом аздæхта 106-æм сывæллæтты рæвдауæндонмæ. Скъолайы агъоммæйы ахуыргæнæндон цалцæг кæнынц 80 азмæ фыццаг хатт. Специалисттæ бавнæлдтой мидæгæй куыстытæм, бæстыхайы сæвæрдтой ног дуæрттæ æмæ рудзгуытæ, баивтой асинтæ, сног кодтой бæстыхайы сæр æмæ инженерон хызтæ. Инспекцион балцы кæронбæттæн объект  - Цæгат Ирыстоны педагогон колледжы. Подрядон организацийы минæвæртты ныхæстæм гæсгæ, куыстытæ цæуынц фæткæй раздæр. Ныридæгæн ын аивтой йæ сæр, базылдысты йын йæ ддаг бакастмæ, ацы бонты аразджытæ кæронмæ фæуыдзысты мидæгæй куыстытæ. Æппæт куыстуæтты бындурон цалцæг цæуы национ проектты фæлгæты. Вице-премьер базонгæ куыстуæтты документациимæ дæр, аныхас кодта разамонджытимæ. Атарты Георгий фæсидт, цæмæй йæм куыстыты цыды æмæ сæ хæрзхъæддзинады тыххæй информаци дæттой афоныл.