Республикæйы Æвзарæн къамисы минæвæрттæ скодтой ахуырадон семинар дзыллон информацийы фæрæзты кусджытæн. Цæгат Ирыстоны иумандатон 30-æм зылд цæттæ кæны Уæрæсейы Паддзахадон думæмæ депутатты æвзæрстытæм. Къамисы сæрдар Моргуаты Жаннæ куыд радзырдта, афтæмæй æвзæрстытæ фыццаг хатт цæудзысты æнæпилотон тæссагдзинады уавæрты. Уымæ гæсгæ сæм иттæг лæмбынæг цæттæгæнæн куыст цæуы. Æвзарæн системæйы чи кусы, уыдонæй алчидæр цæуы сæрмагонд ахуырад. Уый фæстæ райсдзæн сæрмагонд æвдисæндар. 54 дæрддзæф æмæ хæххон хъæуы нæй стационарон æвзарæн пункттæ. Уыдоны мин æмæ 500 адæймаджы спайда кæндзысты се взарæн бартæй. Ахæм фадат уыдзæн, бынатмæ æвзарæн къамисты кусджытæ сæрмагонд цæугæ кусæнгæрзтимæ кæй бацæудзысты, уый фæрцы. Ацы аз 16 мин адæймаджы хъæлæс кæндзысты фыццаг хатт. Уыдонæн бацæттæ кодтой лæвæрттæ. Æппæт æвзарæн участокты кусдзысты волонтертæ. Сæ сæйраг нысан - æххуыс кæнын, йе нæниздзинад хъыгдард кæмæн у, ахæм адæмæн, стæй ныййарджытæн гыццыл сывæллæттимæ.