Цæгат Ирыстоны паддзахадон библиотекæтæ расидтысты егъау акци. Æмбырд кæнынц чингуытæ, цæмæй сæ арвитой Запорожьейы облæсты Черниговы районæн. Уый тыххæй фехъусын кодтой республикæйы культурæйы министрадæй. Ахæм хъæппæрисы сæйраг нысан у - библиотекæты системæйы фондтæ фæхъæздыгдæр кæнын, æмæ регионты хсæн культурон бастдзинæдтæ фидардæр кæнын. Чингуытæн сæ фылдæр у бæстæзонæн литературæ. Уый фадат ратдзæн ирон адæмы хъæздыг историимæ æмæ культурæимæ базонгæ уæвынæн. Цы чингуытæ сæмбырд кæной, уыдон хæстæгдæр рæстæг бабæстон кæндзысты, æмæ сæ арвитдзысты нысангонд бынатмæ.