Тугъанты Махарбеджы номыл музейы бацæттæ кодтой скульптор Соскъиты Владимиры куыстыты равдыст «Восхождение». Дзæуджыхъæуы экспозици сси дыккаг æмæ кæронбæттæн хай мастеры равдыстадон проектæн. Уый байгом 30-æм июлы Мæскуыйы. Дзæуджыхъæуы та Тугъанты Махарбеджы номыл аивадон музейы цыди бæстон æмæ бæлвырд цæттæгæнæн куыст. Фæлæ ахсджиагдæр архайд цыди музейы алфамбылай. Йæ размæ сæвæрдтой постаменттæ, уымæн æмæ экспозицийы иу хай рахастой горæты сæйраг уынджы астæумæ. Республикæйы цæрджытæн æмæ уазджытæн фадат уыдзæн бронзæйæ фигурæтæ фенынæн. Уыдон та сты культурæйы зындгонд архайджытæ: Иосиф Бродский, Гæздæнты Гайто, Булат Окуджава æмæ иннæтæ. Иу хатт ма уын æй зæгъдзыстæм, равдыст байгом уыдзæн абон Тугъанты Махарбеджы номыл аивадон музейы 17 сахатыл.