Республикæйы æвзарæн къамисы арæзт æрцыд хæлттæ æппарыны процедурæ. Афтæмæй сбæрæг кодтой лæвар эфиры рæстæг æмæ мыхуыры фæрæзты куысты фæтк, Паддзахадон Думæмæ æвзæрстыты агъоммæ. Агитацион æрмæджытæ цæудзысты æппæтуæрæсеон телерадиокоманийы филиал - паддзахадон телерадиокомпани "Алани"-йы, национ телекомпани «Осетия-Ирыстон»-ы, стæй республикон газеттæ «Северная Осетия», «Слово» æмæ «Рæстдзинад»-ы. Паддзахадон телераиокомпани «Алания» архайджытæн лæвар эфиры рæстæг дæтдзæн 4 каналы: дыууæ телевизион - «Россия 1» æмæ «Россия 24». Дыууæ та ма радиойы уылæнты - «Радио России» æмæ «Вести ФМ»-ы. æппæт æвзарæн иугæндтæн дæттынц æмхуызон рæстæг эфиры агитацион æрмæджытæн. Раздæр, 18-æм августы Центрон æвзарæн къамис бюллетенæй айста парти "Яблоко"-йы федералон номхыгъд. Афтæмæй æвзæрстыты архайдзысты парти "Иугонд Уæрæсе", Уæрæсейы либералон демократон парти, Комкоммæ демократийы парти, "Рæстдзæвин Уæрæсе", Уæрæсейы Федерацийы Коммунистон парти, Пенсиисджыты парти, "Уæрæсейы коммунисттæ" æмæ "Новые люди".