Паддзахадон Думæмæ æвзæрстыты агъоммæ Цæгат Ирыстоны æхсæнадон палатæ æмгуыстады бадзырд бафыста 14 æхсæнадон организациимæ. Баиу кодтой сæ тыхтæ æхсæнадон цæстдарджыты цæттæ кæныны хъуыддаджы. Уыдон хъæлæс кæныны бонты кусдзысты æвзарæн участокты. æдæппæтæй нæ республикæйы уыдзæн 309 участочы. Цæстдардæн куыст цæудзæн алкæцыйы дæр. Цæттæгæнæн куыст ацæудзысты мин адæймаджы. Се хсæн ветеранты Советы уæнгтæ, "Фыдыбæстæ хъахъхъæнджыты" фонды, Уæрæсейы юристты ассоциацийы, журналистты Цæдисы, сылгоймæгты æмæ фæсивæдон организациты минæвæрттæ. Фыццаг хатт ацы куысты архайдзысты студентон арæзтадон отрядтæ. æхсæнадон палатæйы сæрдар куыд фехъусын кодта, афтæмæй цæстдарджытæ кæсдзысты, æвзарæн закъонæвæрынад æмæ æппæт процедурæтæ куыд æххæстгонд цæудзысты, уымæ. Уæлдай æргом аздахдзысты информацион куыстмæ.