Хъолайы цъитийы цур сæвæрдтой комплексон мониторингы автоматикон метеостанцæ. Хæслæвæрдтæ æххæст кæнынæн спайда кодтой Хуссар авиацион-ирвæзынгæнæн центры вертолет Ми-8 - æй. Оперативон къорды хыгъды уыдысты æнæнхъæлæджы цауты министрады, гидрометцентры æмæ наукон æхсæнады уæнгтæ. Мониторинг скодтой Хъолайы æмæ Майлийы цъититæн. Автоматикон метеостанцæ æмæ геофизикон кусæнгæрзтæ специалисттæн ратдзысты цъитийы уавæрæн аргъ кæныны фадат. Ацы мадзæлттæ сты 18-æм æмæ 19-æм августы сæрмагонд экспедици цы бæрæггæнæн куыстытæ скодта, уыдоны хатдзæгтæм гæсгæ. Уæд специалисттæ бацамыдтой Хъолайы цъитимæ цæстдарынæн кусæнгæрзтæ кæм æвæрын хъæуы, уыцы бынæттæ. Хъолайы цъитийы уавæр бæстонæй сбæрæг кæнынæн Уæрæсейы хицауад радих кодта 52 милуан сомы. Фæрæзтæ сты резервон фондæй æмæ федералон бюджетæй.