Ирыстойнаг кинематографы киноныв "Охотник" сси æппæтадæмон кинофестиваль "Золотой Витязь"-ы  сæрмагонд призы аккаг. Йæ режиссер æмæ сценарист Цогойты Зауыр. Конкурсы жюрийæн разамынд лæвæрдта дунейы зындгонд режиссер Эмир Кустурица. Хæрзиуæг та кадджын уавæры радта Уæрæсейы адæмон артист Николай Бурляев. Ацы хæрзиуæг кинонывæн у 7-æм. Уый размæ та йын аккаг аргъ скодтой Индийы 15-æм æппæтадæмон фестивалы, Минскы кинофестиваль "Лістапад"-ы йын радтой Гран-При, æппæтадæмон кинофестиваль "Алани"-йы нымад æрцыди хуыздæр ирон кинонывыл. Ацы азы уалдзæджы та хаст æрцыди европæйаг кинойы фестивалы хуыздæр куыстыты хыгъдмæ.