Республикæйы донивылдтыты ныхмæ цы куыстытæ конд æрцыд, сæ хыгъды канализацийы, доны куыстуаты иннæ объекттыл æмæ хидтыл, уыдоны тыххæй æрвылкъуырион аппаратон æмбырды радзырдта цæрæнуæтты-коммуналон хæдзарады министр Хъараты Тимур. Уыцы иу рæстæг куыст цæуы хъармгæнæн сезонмæ цæрæнуæтты коммуналон комплексы инфраструктурæ бацæттæ кæныныл. Абоны онг уал конд æрцыд куыстыты 21 проценты. Ахуырады æмæ наукæйы министр Алыбекты Эллæ фехъусын кодта ахуырады къабазы ахсджиагдæр цауты тыххæй. 9-æмкъласонтæ сæ паддзахадон фæлварæнтæй ныридæгæн радтой 10, 11-æмкъласонтæ та – 4. Уымæй фæстæмæ республикæйы 13 скъолайы райстой автобустæ, хæстæгдæр рæстæг ма æнхъæлмæ кæсынц ноджыдæр цыппæрдæсмæ. 151 скъолайы ныртæккæ архайынц фæлладуадзæн лагерьтæ. Улæфынц дзы 9 мин сывæллонæй фылдæр.