Цæгат Ирыстоны бындурон æмæ профилон математикæйæ иумæйаг паддзахадон фæлварæн дæттынц 3 мин 500 скъоладзауæй фылдæр. Республикæйы кусы 17 фæлварæн пункты. Ацы предмет у 2 æнæмæнг ахуырадон дисциплинæйæ иу – астæуккаг ахуырады тыххæй аттестат райсынæн. Фæлварæны ис 21 хæслæвæрды. Бындурон математикæйæ æппынкъаддæр хъæуы 7 фыццаградон баллы. Уый 5-баллон шкаламæ гæсгæ нысан кæны бæрæггæнæн «3». æппынфылдæр фæлварæны ис райсын 21 баллы. Фæлварæны хатдзæгтæ æмбæлгæ кæмæн сты, стæй йе нæниздзинады уавæрмæ гæсгæ йæ куыст рагагъоммæ кæмæн фæцис кæнæ та æмбæлгæ аххоссæгтæм гæсгæ фæлварæнмæ чи не рбацыд, уыцы рауагъдонтæн бындурон кæнæ профилон математикæйæ фæлварæн ногæй сæ бон радтын уыдзæн уæлæмхасæн бонты – 23-æм, 24-æм æмæ 25-æм июны. Бындурон математикæ рауагъдонтæ дæттынц æрмæст аттестат райсынæн. Профилон æмвæзады фæлварæн дæттынц, уæлдæр ахуыргæнæндонмæ бацæуынæн математикæйæ иумæйаг паддзахадон фæлварæны хатдзæг кæй хъæуы, уыцы рауагъдонтæ.