Республикæйы Сæргълæууæг Сергей Меняйло видеоконференцийы хуызы архайдта наркотикты ныхмæ паддзахадон комитеты æмбырды. Разамынд ын лæвæрдта УФ-йы мидхъуыддæгты министр Владимир Колокольцев. Цы фарстатыл цыди ныхас, уыдоны хсæн: æфхæрд æххæстгæнæн федералон службæйы æмæ æнæниздзинадхъахъхъæнынады регионалон оргæнты информацион æмархайд фæхъомысджындæр кæнын. Владимир Колокольцев куыд загъта, афтæмæй, ивгъуыд азы ахст адæмы хсæн алы 7-æм дæр уыди психоневрологон диагнозимæ, наркотиктæй кæй пайда кæны, уый аххосæй. Ахæстоны наркоманийæ дзæбæхгæнæн мадзæлттæ æххæстгонд цæуынц æрмæст адæймагæн йæхи куы фæнда, уæд. æмбырды ныхас цыди, наркотикты ныхмæ стратегийы фарстаты фæдыл бæстæйы æдасдзинады Советы оперативон æмбырды хæслæвæрдтæ куыд æххæстгонд цæуынц, ууыл дæр. Национ æдасдзинадыл æвзæрырдæм чи ахады, ахæм фæзындтыты хыгъдмæ хаст æрцыди хостæй хибарæй пайда кæныны тематикæ. Ацы фæзынд адæмы хсæн хонынц "аптекон наркомани". Ног куысты фæтк ныффидар кодтой наркотикты ныхмæ регионалон æмæ муниципалон къамисты специалистты квалификаци уæлдæр кæнынæн дæр.