Къæпхæнгай æххæстгонд цæуы Терчыбылы уаццæгтæ, куыд иумæйаг тезгъогæнæн зонæ аив кæныны куыст. Ныртæккæ зилынц Кировы уынджы хидæй Чкаловы уынджы онг хаймæ. Фехъусын кодта Дзæуджыхъæуы администрацийы сæргълæууæг Милдзыхты Вячеслав. æдасдзинад сæххæст кæныны нысанимæ уаццаг сæхгæдтой ацы азы кæронмæ. Арæзтадон организацийы специалисттæ систой зæронд асфальт æмæ парапет. æвæрынц брусчаткæ, электрон тыхдæттæг телтæ æмæ бордюртæ. Терчы донвæды дæргъмæ быцæугæнæн къул саив кæндзысты гранитæй. Цæугæдоны быру конд уыдзæн архитектурон бетонæй æфсæйнаг секцитимæ. Блоктæ ныридæгæн баластой, сзаказ кодтой рухсыты цæджындзтæ. Куыстытæ конд цæуынц муниципалон программæ «Аивдзинад æмæ цъæх фæлыст»-мæ гæсгæ æмæ нацпроект «Цардæн инфраструктурæ»-йы нысантæ æххæстгæнгæйæ.