ЦИПУ-йы кадджын уавæры байгом кодтой Уæрæсейаг студентон къорды штаб. Проект царды рацыд, уæлдæр ахуыргæнæндон фæсивæдон æппæтуæрæсеон æхсæнадон организацийы грантты конкурсы кæй рамбылдта, уый фæрцы. Уый фадат радта лæвар цæттæгæнæн курс байгом кæнынæн. Проекты архайджытæ систы, ЦИПУ-йы алы факультеттæй профессионалон цæттæдзинады программæ æнтыстджынæй чи ацыди, ахæм 23 студенты. Фыццаг уал ахуырты архайдтой фидæны раздзогтæ. 20-æм июны ацæудзысты Уæрæсейы алы регионты сывæллæтты дзæбæхгæнæн лагерьтæм, уым педагогтимæ иумæ кусдзысты сабитимæ. Дарддæр университет нысан кæны штабы гæнæнтæ фæуæрæхдæр кæнын. Студентты цæттæ кæндзысты арæзтады, инженеры, медицинæйы, лæггæдты æмæ æндæр хъæугæ къабæзты кусынмæ.