Республикæйы сывæллæтты сфæлдыстады галуаны хатдзæгтæ скодтой стратегион сесси "Навигатор успеха"-йы 2026-æм азы куыстæн. Сæвæрдтой фидæнмæ нысантæ дæр. Мадзалы архайдтой ахуыргæнæндæтты разамонджытæ, муниципалитетты ахуырады управлениты хицæуттæ æмæ проектон сессийы куратортæ. Фембæлды ныхас цыди ивгъуыд азы ахсджиагдæр цаутыл, снысан кодтой республикæйы ахуырады системæйы цы актуалон фыццаградон хæстæ ис, уыдон, стæй бакуыстой ацы къабазы рæзты программæйыл. Фылдæр æргом здæхт æрцыди кадрты политикæмæ, ног технологитæй пайда кæнынмæ æмæ астæуккаг ахуырады куыстуæттимæ æмгуыстадмæ. Архайджытæ куыд фæнысан кодтой, афтæмæй æрмæст æмгуыстады фæрцы ис куыст уæлдæр æмвæзадмæ сисын.