Ахуырадон центр «Вершина»-йы райдыдта 4-æм профилон тематикон фæлтæр «Коды Курчатова». Ацы аз фыццаг хатт кусынц 2 программæмæ гæсгæ. Кæстæр кълæсты ахуырдзаутæ зонгæ кæнынц программæтæ аразыны бындуртимæ. Хистæртæ та ахуыр кæнынц ядерон медицинæ. Æдæппæтæй профилон фæлтæры архайы 120 сывæллоны республикæйы алы районтæй. Уыдон сты 6-æм-10-æм кълæсты ахуырдзаутæ. Ацы фæлтæр ахæсдзæн 5 боны æмæ традицимæ гæсгæ фæуыдзæн проектон куыстытæ хъахъхъæнынæй кæнæ хатдзæгтæгæнæн тестытæй. Мадзал арæзт цæуы проект «Курчатовы кълæстæ» æххæстгæнгæйæ.