Физкультурникы бон сбæрæг кодтой республикæйы æнахъом сывæллæтты социализацийы центр "Хæлар зæрдæ"-йы. Йæ хъомылгæнинæгтæн бацæттæ кодтой спортивон æмæ сфæлдыстадон фæзтæ. Сывæллæттæ хъазыдысты футболæй, сæхи фæлвæрдтой скаладромы æмæ архайдтой ныв кæнынæй дæсныйадæвдисæг ахуырты. Алкæмæн дæр бацархайдтой цымыдисаг ахуыртæ бацæттæ кæныныл. Ахæм фембæлдтытæ центры систы хорз традици. Иумæйаг спортивон мадзæлттæ фæсивæдæн æххуыс кæнынц сæ курдиæттæ раргом кæнынæн, æмæ се хсæн æнæниз цардыуаг парахат кæнынæн. Лæппутæ æмæ чызджытæ аныхас кодтой хъуыстгонд спортсментимæ, æмæ сæм лæвæрдтой сæ фæрстытæ.