Цæгат Ирыстоны райдыдта чингуытæ æмбырд кæныны акци. Афтæмæй æхъхуыс кæнынц Запорожьейы облæсты Черниговы районы библиотекæтæн. Республикæйы культурæйы министрады хъæппæрис хорзыл банымадтой нæ регионы библиотекæтæ, стæй фæллойы æмæ социалон рæзты министрад. Фыццаг уал æмбырд кæнынц сывæллæтты литературæ æмæ Ирыстоны историйы тыххæй чингуытæ. Стыр æргом здахынц бынæттон авторты уацмыстæм. Чингуытæ æмбырд кæндзысты Мамсыраты Дæбейы номыл сывæллæтты республикон библиотекæйы, августы кæронмæ. Хæрзаудæн акцийы бацархайыны бон у алкæмæн дæр. Ныридæгæн æм се вæрæн бахастой, ведомстовйы бæрны куыстуæттæ. Иуæй-иутæ ма радих кодтой фæрæзтæ дæр, уæлæмхасæн литературæ балхæнынæн.