Доны республикон куыстуат Дæллаг Комгæроны райдыдта цъасс къахын. Йæ арф уыдзæн 260 метры, йæ гæнæнтæ та – доны 25 кубометры сахатмæ. Уый фæрцы хъæуы дон кæй нæ фаг кæны, уыцы фарста лыггонд æрцæудзæн. Фехъусын кодта Сергей Меняйло. Ацы куыстыты размæ специалисттæ скодтой геологон иртæстытæ. Доны куыстуаты минæвæрттæ кусынц хи быраугæнæн ифтонггарзæй – балхæдтой йæ регион пилотон программæйы кæй архайы, уый руаджы.