Беслæны дарддæр цæуы сывæллæтты аивадон скъолайы арæзтад. Уый тыххæй фехъусын кодта Хицауады сæрдары фыццаг хæдивæг Атарты Георгий. Ныридæгæн фесты бæстыхайы разуынд аив кæнын, æвæрынц рудзгуытæ. æртыккаг уæладзыджы сæр конд у, ныртæккæ цæттæ кæнынц бындур дыккаг уæладзыг æмбæрзынæн. Фесты штукатуркæ кæнын фыццаг æмæ дыккаг уæладзгуыты. æппæт бæстыхайы сæвæрдтой вентиляцион каналтæ. Уыцы иу рæстæг аразджытæ сæвæрдтой бацæуæн къорды цæджындзтæ, аив кæнынц фидæны скъолайы кæрт. Ам уыдзæн кабинеттæ нывкæнынадæн, æрмдæсныйадæн, алыхуызон аивадон æрмадзтæ, равдыстадон зал, библиотекæ. Арæзтад фæуыдзæн ацы аз. Куыстытæ æххæстгонд цæуынц нацпроект «Бинонтæ»-м гæсгæ.