Цæгат Ирыстоны 8 мин адæймагмæ хæстæг райстой бинонты фиддонтæ. Уыцы хæрдзтæн социалон фонды республикон хайад радих кодта 205 милуан сомы. Ахæм æххуысыл сæ бон зæрдæ дарын у, 2025-æм азы куысты чи ныллæууыди æмæ хъалонтæ чи фыста, ахæм ныййарджытæ. Уымæй уæлдай, бинонты хъуамæ уа 18 азы онг кæуыл цæуы, ахæм 2 æмæ уымæй фылдæр сывæллоны,  кæнæ та 23 азы онг кæуыл цæуы, æмæ боныгон фæткмæ гæсгæ чи ахуыр кæны, ахæмтæ. Стæй хъуамæ иууылдæр уой Уæрæсейы граждæнтæ æмæ цæрой бæстæйы территорийы.  Фиддонтæ дæтгæйæ хыгъд цæуынц бинонты рæстæмбис æфтиæгтæ дæр. Ахсджиаг у, цæмæй регионы ивгъуыд азы цæрынæн æппын къаддæры бæрц æмæ рдæгæй фылдæр ма уа. Цæгат Ирыстоны уый у 23 мины 940 сомы. Курдиæттæ бадæттæн ис 1-æм октябры онг. Ахæм фиддонтæ дæттынц афæдз иу хатт. Бинонтæн æххуыс райсынæн курдиæттæ бадæттын сæ бон у дыууæ ныййарæгæн дæр.