Национ наукон библиотекæйы байгом Джиоты Вадимы æмæ Бититы Зæлинæйы куыстыты равдыст «Райгуырæн мотивтæ». Экспозицийы фенæн ис нывкæнынады 50 уацмысы. Равдысты автортæ сты æмкурсонтæ æмæ æмбæлттæ, стæй алыхуызон равдыстыты æмæ конкурсты архайджытæ, Цæгат æмæ Хуссар Ирыстоны нывгæнджыты Цæдисты уæнгтæ. Джиоты Вадимы æмæ Бититы Зæлинæйы куыстыты фенæн ис хæхтæ, цъæх обæуттæ, хæххон пейзажтæ æмæ хохаг хæдзæрттæ, рагон хæдзары мигæнæнтæ, хæдзарон фос, мæсгуытæ, æрдзы нывтæ.