Цæгат Ирыстоны Сæргълæууæг Сергей Меняйло фембæлд Цæгат Кавказы федералон университеты ректор, профессор Татьяна Шебзуховаимæ. Ныридæгæн æмгуыстады программæмæ гæсгæ, ацы аз фембæлдысты дыккаг хатт. Баныхас кодтой наукон æмæ ахуырадон проекттæ иумæйагæй æххæст кæныныл. Кусдзысты Цæгат Ирыстоны æмæ Цæгат Кавказы уæлдæр ахуыргæнæндæтты бындурыл. Уæвгæ ахæм æмгуыстад фадат дæтты республикæйы специалистты цæттæдзинады хæрзхъæддзинад хуыздæр кæнынæн, наукон бындур фидардæр кæнынæн æмæ нырыккон уынаффæттæ æххæст кæнынæн. Уыимæ агропромышленнон комплексы æмæ туризмы къабазы. Цæгат Кавказы уæлдæр ахуыргæнæндæтты хыгъдмæ нæ республикæйæ хаст æрцыд 4 ахуыргæнæндоны: Хетæгкаты Къостайы номыл Цæгат Ирыстоны паддзахадон университет, Цæгат Кавказы хæххон металлургон институт, Хæххон паддзахадон аграрон университет, стæй Цæгат Ирыстоны паддзахадон медицинон академи.