Хицауады Сæрдар Дзанайты Барис æмæ Уæрæсейы æххæстбарджын минæвары цæстдарæн аппараты хицау Цæгат Кавказы федералон зылды Сергей Никитин æрныхас кодтой, нæ бæстæйы Сæргълæууæджы уынаффæтæ æххæстгæнæн хицаудзинады оргæнтæ куыд æххæст кæнынц, ууыл. Фембæлды ма архайдтой республикæйы сæйраг федералон инспектор Сергей Гончаров, стæй профилон министрадты разамонджытæ. Дзанайты Барис куыд загъта, афтæмæй ивгъуыд азы хатдзæгтæм гæсгæ регион йæ хæстæ сæхгæдта национ проекттæм æмæ паддазхадон программæтæм гæсгæ. 2025-æм азы уыцы нысантæн радих кодтой 11 миллиарды æмæ 500 милуан сомы. Ацы аз та сты 11 миллиарды æмæ 800 милуаны. æмбырды ма ныхас цыд, национ проект "Дæргъвæтин æиæ активон цард"-ы федералон проект «æнæниздзинадхъахъхъæнынады фыццаг къабазы модернизаци"-йыл. Афтæ ивгъуыд азы хатдзæгтыл дзургæйæ, бахыгътой - бындуронæй сцалцæг кодтой Дзæуджыхъæуы 4 поликлиникæйы. Рынчындæттæ та сифтонг кодтой нырыккон медицинон кусæнгæрзтæй. Районты арæзт цæуынц 8 модулон амбулаторийы æмæ фельдшерон пункты. Сцалцæг кодтой 3 медицинон организацийы, самал кодтой кусæнгæрзтæ æмæ сæрмагонд транспорт.