Вести. Аланийы хабæрттæ Республикæйы сывæллæтты библиотекæйы мадæлон æвзæгты боны кадæн арæзт æрцыд викторинæ
12 марта 2026, 13:18
Республикæйы сывæллæтты библиотекæйы мадæлон æвзæгты боны кадæн арæзт æрцыд викторинæ. Интеллектуалон хъазты архайджытæ систы Дзæуджыхъæуы 5-æм гимназы ахуырдзаутæ. Рæзгæ фæлтæр адих сты командæтыл, дзуæппытæ лæвæрдтой уырыссаг æвзаджы историимæ баст тематикон фæрстытæн. Фæсивæды размæ вæрд уыди хæс – æрмæст зонындзинæдтæ нæ, фæлæ арæхстдзинад дæр равдисын. Скъоладзаутæ кастысты зындгонд уырыссаг поэтты уацмыстæ, æмдзæвгæтæ, мысыдысты классикон литературæйæ сæ уарзон рæнхъытæ.
