Республикæйы Сæргълæууæг Сергей Меняйлойæн фембæлд уыди æфсæддон-патриотон хъомылады уынаффæгæнджытимæ. Йæ хъæппæрисæй ацы азæй фæстæмæ ахуырадон организациты фæзындзæн ног куысты бынат - æфсæддон-патриотон хъомылады уынаффæгæнæг. Уый фадат ратдзæн дыууæ ахсджиаг фарстайыл бакусынæн: сæрмагонд æфсæддон операцийы ветеранæн куысты ныллæууынæн, æхсæнадон царды социализаци æмæ æххæст интеграцийæн æххуыс. Уымæй уæлдай, ахæм хуызы скъоладзауты æмæ студентты разæнгард кæнынц патриотизммæ æмæ сын сæ зæрдæты гуырын кæнынц райгуырæн паддзахадмæ уарзондзинады æнкъарæнтæ.  Абоны онг 18 адæймаджы  куысты ныллæууыдысты фæсивæды æфсæддон-патриотон хъомылады ахуырадон-методикон центры. Алкæмæ дæр дзы ахуырадон организациты разамонджыты минæвæрттæй фидаргонд æрцыди хицæн адæймаг.