Горæтгæрон районæй рацæугæ фронтовикты тыххæй чиныджы презентаци арæзт æрцыд районы сывæллæтты сфæлдыстады Хæдзары. Схуыдтой йæ «Ради жизни на земле». Чиныджы сыфтыл бакæсæн ис Фыдыбæстæйы Стыр хæсты 50 архайæджы тыххæй царды хабæрттæ. Уæвгæ скъоладзауты сфæлдыстадон иугонд "Ровесники"-йы уæнгтæ бакодтой стыр агурæн-иртасæн куыст. Бакастысты се мзæххон хæстонты тыххæй мысинæгты æмбырдгондтæ, документалон кинонывтæ, иртæстой архивтæ, курдиæттæ æрвыстой хъахъхъæнынады Министрадмæ æмæ æндæр бæрнон куыстуæттæм. Сæ педагогты разамындæй цы æрмæджытæ ссардтой, уыдон сæмбырд кодтой ног чиныджы. Сбастой йæ Стыр Уæлахизы 81 азы бонимæ. Мысæн мадзал та скодтой, Кавказ суæгъд кæныны тохы боны. Чиныджы тираж у 150 экземпляры. Мыхуыры рацыд, Горæтгæрон районы сæргълæууæг Гаглойты Аланы, ахуырады Упарвленийы æмæ ахуыргæнæндæтты, стæй районы профцæдисты организциийы æххуысæй. Ног чиныг нырæй фæстæмæ уыдзæн Горæтгæрон районы скъолаты библиотекæты, æмæ сывæллæттæн æххуыс кæндзæн се мзæххон æфсæддонты æнæмæлгæ хъæбатырдзинады тыххæй базонынæн.