Вести. Аланийы хабæрттæ Урсы къуыри сбæрæг кодтой Цæгат Ирыстоны паддзахадон базарадон-экономикон колледжы дæр
21 февраля 2026, 10:46
Урсы къуыри сбæрæг кодтой Цæгат Ирыстоны паддзахадон базарадон-экономикон колледжы дæр. Ахуыргæнæндоны апарахат лауызты хæрздæф. Афтæмæй дзы арæзт æрцыдысты адджын гуылтæ æмæ лауызтæ фыцыны дæсныйадæвдисæг ахуыртæ. Студенттæ сæ тыхтæ бафæлвæрдтой кондитерон хъуыддаджы. Æрбахуыдтой уазджыты дæр. Уыдоны хсæн – зындгонд артисттæ, сæрмагонд æфсæддон операцийы архайджытæ, сæ бинонтæ, скъоладзаутæ æмæ рæвдауæндоны хъомылгæнинæгтæ. Сывæллæтты мидбылхудт æмæ музыкæ бæрæгбон скодтой уæлдай зæрдæмæдзæугæ.
