Вести. Аланийы хабæрттæ Скъоладзаутæ систы æвзарæн процессы фарстаты фæдыл æппæтуæрæсеон олимпиадæ "Софиум"-ы уæлахиздзаутæ
14 марта 2026, 10:25
Республикæйы физикон-математикон лицейы ахуыргæнинаг Хъалаты Валерия æмæ Октябрьскæйы 1-æм скъолайы ахуырдзау Годжысаты София систы æвзарæн процессы фарстаты фæдыл скъоладзауты æппæтуæрæсеон олимпиадæ "Софиум"-ы уæлахиздзаутæ. Призерты хыгъдмæ ма бацыд Чиаты Аланæ Дзæуджыхъæуы 41-æм скъолайæ. Чызджытæ систы хуыздæртæ 17 мин хистæркъласоны *хсæн бæстæйы алы регионтæй. Æппæтуæрæсеон олимпиадæ вæййы алы аз дæр.
